პლანტას ეგზოტიკური პომიდვრები აერთიანებს პომიდვრების დიდი და მრავალფეროვანი ოჯახის ისეთ გამორჩეულ სახეობებს, როგორებიცაა უგემრიელესი ვარდისფერი პომიდორი ტომიმარო მუჩო; ნაირფერი ჩერი პომიდორი; მყარი და ხრაშუნა ტექსტურის მქონე რომაული პომიდორი; ტკბილი და არომატული კოქტეილ პომიდორი ტატამი და საოცარი მუქი შეფერილობის კოქტეილ პომიდორი იუმი.
პომიდორი შეიცავს ოთხივე ძირითად კაროტინოიდს: ალფა და ბეტა კაროტინებს (ისინი ორგანიზმში A ვიტამინად გარდაიქმნებიან), ლუტეინსა (მნიშვნელოვან როლს თამაშობს მხედველობის შენარჩუნებასა და გაუმჯობესებაში) და ლიკოპენს.
პომიდორი განსაკუთრებით მდიდარია E და C ვიტამინებით.
შეიცავს კალიუმს, K1 ვიტამინსა და ფოლატს. ფოლატი პასუხისმგებელია უჯრედულ დონეზე მიმდინარე უმნიშვნელოვანეს პროცესებზე, როგორიცაა უჯრედების დაყოფა და ზრდა და დნმ-ის სინთეზი. ის განსაკუთრებით მნიშვნელოვანია ფეხმძიმე ქალებისთვის.
