40 წუთი
საშუალო
3
1 კონა სატაცური
1 ს.კ. კახური ზეთი შესაწვავად
100 გრამი ველური ბრინჯი
წიწმატის ფოთლები (რუკოლაც უხდება)
50 გ ქეშიუს “ყველი” (ტაჰინიც უხდება)
5-6 ცალი ჩერი პომიდორი
ჰიმალაის მარილი
მიკრომწვანილი (სურვილისამებრ)
ბრინჯი ყოველთვის წინა ღამით ჩაალბეთ. დაასხით წყალი და წამოადუღეთ, დუღილამდე მისულს წყალი გამოუცვალეთ, კვლავ მიიყვანეთ დუღილამდე და ჩაუწიეთ ტემპერატურას, დაბალ ცეცხლზე მოხარშეთ. წყალი ძალიან ცოტა რომ დარჩება, დაუმატეთ მარილი, მოურიეთ, გამორთეთ და ცოტა ხანს თავდახურული დატოვეთ.
სატაცური კახურ ზეთში ოდნავ შებრაწეთ, მოაყარეთ მწიკვი მარილი.
ინდივიდუალურ პორციებად თეფშზე დაუმატეთ ქეშიუს “ყველი”, ჩერი, წიწმატი.
სასარგებლო თვისებები:
სატაცური – დაბალკალორიულია და, იმავდროულად, მდიდარია სხვადასხვა ნუტრიენტით – ფოლიუმის მჟავა, ვიტამინი A, C და K, უჯრედისი და ანტიოქსიდანტები.
